15 Maart 20:00 / 16 Maart 20:00

Met Marion Holm en Lize Beekman

Dis die Lewe, Moenie Lag Nie is ´n show wat jou waarskynlik sal laat lag. ´n Uur van stories en liedjies wat niks hoogdrawends, niks onverstaanbaars, niks filosofies is nie.

Lize Beekman is ´n sanger-liedjieskrywer wat geen mode of "resep" volg nie en oral-oor haar gehore se harte steel. In haar tipiese folk-ballade styl met haar kitaar op haar skoot, doen sy net wat haar hart haar sê. Marion Holm vertel stories, sonder om te vloek en op haar unieke manier, oor haar lewe. Oor Die Lewe soos ons dit ervaar. Ons gewone mense.

Marion en Lize span kragte saam en bring ´n uur se genot wat jou laat voel jy kuier om die braaivleisvuur. Jy raak rustig, jy dink dalk ´n bietjie, jy lag lekker! Kortom: jy kry sommer net lekker!